Цаг үе

Дарь-Эхийн авто замын шинэчлэлтийн ажил хийгдэж байна

Огноо:

5 жил 11 сар.өмнө

2020/07/29

Дарь-Эхийн уулзвараас “Сод Монгол” ШТС хүртэл 3,3км авто замын шинэчлэлтийн ажлын хүрээнд эхний ээлжид Дарь-Эхийн уулзвараас Хуучин эцсийн автобусны буудал хүртэлх 2,2км авто замыг 2020.07.27-ны 22:00 цагаас 08.11-ны 08:00 цаг хүртэл бүрэн хааж шинэчлэлтийн ажил хийгдэж эхлээд байна. 08 дугаар сарын 10-ны өдрөөс 08 дугаар сарын 27-ны өдөр хүртэл үлдсэн хэсэгт шинэчлэлтийн ажлыг үргэлжлүүлэн хийнэ.

Уг замын хөдөлгөөн бүрэн хаагдсантай холбоотойгоор Зуслангийн зам бүхэлдээ, 7 буудлаас 32-ын тойрог, Хайлаастын зам, Дарь-Эхээс Хайлаастын уулзварын чиглэлийн автозамууд ачаалал ихтэй, хөдөлгөөн удаашралтай байна.

Засварын ажлыг заагдсан хугацаанд гүйцэтгэгч компанийн саналаар хугацааг тохирч, аюулгүй байдал, ажлын бүтээмжийг нэмэгдүүлэх үүднээс энэ орчмын хөдөлгөөнийг бүрэн хааж ажиллаж байна.

Иймд заагдсан хугацаанд “хөдөлгөөн хаасан хирнээ ажил явагдахгүй байгаа, ажлын цаг баримтлахгүй байгаа эсвэл хөдөлгөөний болон хөдөлмөрийн аюулгүй байдал алдагдаж байгаа” гомдол мэдээллийг ЗАМЫН ХӨДӨЛГӨӨНИЙ ТӨЛӨВЛӨЛТ, ЗОХИЦУУЛАЛТ, ИНЖЕНЕРЧЛЭЛИЙН ГАЗАР-ын "7011-0341" дугаарын утсаар болон манай пэйжид ирүүлж болно. Мөн НИЙСЛЭЛИЙН АВТО ЗАМЫН ХӨГЖЛИЙН ГАЗАР-ын Зам барилгын хяналтын хэлтсийн мэргэжилтэн Я.Өнөртүвшин /утас: 9607-7700/, гүйцэтгэгч байгууллага “Зэст хөлөг” ХХК-ийн захирал н.Анхцэцэг /утас: 9905-4593/-д мэдэгдэж, бидэнтэй хамтран хяналт тавьж ажиллана уу.

НИЙСЛЭЛИЙН ЗАМЫН ХӨДӨЛГӨӨНИЙ ТӨЛӨВЛӨЛТ, ЗОХИЦУУЛАЛТ, ИНЖЕНЕРЧЛЭЛИЙН ГАЗАР

Уншсан:3518

Дараах мэдээ

Эрүүгийн 10 хэргийг шүүхэд шилжүүлэх саналтай прокурорт шилжүүлэв

Өмнөх мэдээ

НАСА томоохон астероид дэлхийд ойртож буйг зарлалаа

Дэлгэрэнгүй унших

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

Улаанбаатар хотод цахилгаан тээврийн хэрэгслийг цэнэглэх дэд бүтцийг байгуулах боломжит цэгүүдийг судална

Огноо:

4 минутын өмнө

2026/06/04

"Алсын хараа-2050" Монгол Улсын урт хугацааны хөгжлийн бодлогод Монгол Улсад цахилгаан тээврийн хэрэгслийн цэнэглэх дэд бүтэц, цэнэглэх станцыг барих талаар тусгасан байдаг. Энэ хүрээнд нийслэл дэх “Ногоон өртөө” төслийн ажлын хэсэг өнөөдөр хуралдлаа.

Ажлын хэсгийн хуралдаанаар Улаанбаатар хотод сэргээгдэх эрчим хүчний тархмал эх үүсвэр бүхий цахилгаан тээврийн хэрэгслийг цэнэглэх дэд бүтцийг байгуулах боломжит цэгүүдийн судалгааг боловсруулах асуудлыг хэлэлцлээ. Түүнчлэн Улаанбаатар хотод цахилгаан машин цэнэглэх ногоон өртөө барих “Ногоон өртөө” төслийг хэрэгжүүлэх удирдлага, зохион байгуулалтын талаар зөвлөлдөв.

“Ногоон өртөө” төслийн үр дүнд авто тээврийн хэрэгслээс үүдэлтэй бохирдлын хэмжээг бууруулж, агаар болон чанарын хяналт, шинжилгээний чадавхыг сайжруулах юм.

Дэлгэрэнгүй унших

Цаг үе

Эмнэлгийн орчин дахь эрсдэлийг бууруулах чиглэлээр хамтарсан үнэлгээ хийлээ

Огноо:

7 минутын өмнө

2026/06/04

Үйлчлүүлэгч, ажилтнуудын аюулгүй байдлыг хангах, эмнэлгийн орчин дахь болзошгүй эрсдэлээс урьдчилан сэргийлэх зорилгоор Эх, хүүхдийн эрүүл мэндийн үндэсний төвөөс Шадар сайд болон Эрүүл мэндийн сайдын албан даалгаврын хэрэгжилтийн хүрээнд хамтарсан уулзалт, эрсдэлийн үнэлгээг зохион байгууллаа.

Уулзалтад Эрүүл мэндийн сайдын багцын хөрөнгөөр барилга, байгууламжийн засварын ажил гүйцэтгэж буй компаниудын удирдлагууд оролцож, барилгын ажлын үеийн аюулгүй байдал, осол гэмтлээс урьдчилан сэргийлэх, хөдөлмөрийн аюулгүй байдлыг хангах чиглэлээр зөвшилцөв.

Мөн “Эрсдэлийг илрүүлж – Аюулгүй байдлыг хангая” сарын аяны хүрээнд холбогдох алба, нэгжийн удирдлага, инженер, мэргэжилтнүүд хамтран байгууллагын дотоод болон гадаад орчинд эрсдэлийн үнэлгээ хийлээ. Үнэлгээгээр дулаан, усны шугамын худгуудын бүрэн бүтэн байдал, автомашины орц гарц, налуу зам, шат, хашлага, явган хүний зам талбай, цахилгааны кабелийн ил гаралт, авто зогсоолын тэмдэг тэмдэглэгээ, гэрэлтүүлгийн нөхцөл зэрэг эрсдэл үүсгэж болзошгүй хүчин зүйлсийг шалгаж, шаардлагатай арга хэмжээг тодорхойлов.

Хамтарсан үнэлгээний үр дүнд илэрсэн эрсдэл, зөрчлийг арилгах арга хэмжээний төлөвлөгөөг боловсруулан хэрэгжүүлж эхэлсэн бөгөөд аюулгүй орчныг бүрдүүлэх ажлыг үе шаттайгаар үргэлжлүүлэн зохион байгуулж байна.

Дэлгэрэнгүй унших