Урлаг спорт

Донорын зөвшөөрлийн хүсэлтийн үйлчилгээ шинээр нэмэгдлээ

Огноо:

28 өдрийн өмнө

2024/09/16

Манай улсад өнөөдрийн байдлаар Улсын нэгдүгээр төв эмнэлэгт 342 хүнд бөөр, 239 хүнд элэг, 32 хүнд ясны чөмөг үүдэл эс, Хавдар судлалын үндэсний төвд 128 хүнд элэг шилжүүлэн суулгах эмчилгээг тус тус амжилттай хийсэн байна.

Эдгээрээс 26 тархины үхэлтэй буюу амьгүй донороос 39 хүнд бөөр, 25 хүнд элэг шилжүүлэн суулгах эмчилгээг хийж 64 хүнд амьдрал бэлэглэсэн байна.

Харин үүнээс үлдсэн 90 гаруй хувь нь амьд донороос буюу эцгээс нь хүүд, охиноос нь ээжид, ахаас нь дүүд эд, эрхтнийг нь шилжүүлэн суулгасан байна. Дэлхийн эрүүл мэндийн байгууллагаас мөн амьд донороос аль болох татгалзаж, амьгүй донороос эрхтэн шилжүүлэхийг уриалж байгаа юм.

Амьгүй донор буюу тархины үйл ажиллагаа нь зогссон нь эмнэлгийн дүгнэлтээр тогтоогдсон иргэдийн олонх нь гэнэтийн осол, эсвэл тархинд цус харвасны улмаас нас эцэслэдэг байна. Манай улсад аваар ослоор жилд 600 гаруй хүн, тархинд цус харвах өвчнөөр 3000 гаруй хүн нас бардаг гэсэн судалгаа бий. Харамсалтайгаар, цаг бусаар нас барж буй эдгээр хүмүүсээс ЭМХТ-ийн Эс, эд, эрхтэн шилжүүлэн суулгах үйл ажиллагааг зохицуулах алба өнгөрсөн хугацаанд 260 гаруй донорыг тогтоож илрүүлсэн боловч ердөө 26 иргэний ар гэр донор болохыг зөвшөөрч байжээ.

Манай улс 2018 онд Донорын тухай хуулийг шинэчилж иргэн гэнэтийн осол болон тархинд цус харваж тархины үхэлд орсон тохиолдолд бусдын амь насыг аврах хүнлэг өгөөмөр сэтгэлийн үүднээс өөрийн эрхтнээ бусдад шилжүүлэн суулгахыг зөвшөөрөх боломжтой болсон.

Энэхүү үйл ажиллагаанд дэмжлэг үзүүлэх зорилгоор "И Монгол академи" УТҮГ, Эрүүл мэндийн хөгжлийн төвийн "Эс, эд, эрхтэн шилжүүлэн суулгах үйл ажиллагааг зохицуулах алба", Санхүүгийн мэдээллийн технологийн төв хамтран Төрийн үйлчилгээний нэгдсэн систем E-Mongolia-д “Донорын зөвшөөрлийн хүсэлт” шинэ үйлчилгээг нэвтрүүллээ гэж Цахим хөгжил, инновац, харилцаа холбооны яамнаас мэдээллээ.

Уншсан:466

Дараах мэдээ

Баянгол дүүргийн 13, 14, 15-р хороо иж бүрэн камержжээ

Өмнөх мэдээ

Таван шарын нүхэн гарцын авто замын хөдөлгөөнийг нээлээ

Дэлгэрэнгүй унших

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Урлаг спорт

Монголын боксчид эх орондоо болсон Дэлхийн цомд тэргүүллээ

Огноо:

17 өдрийн өмнө

2024/09/27

Монгол Улсад сонирхогчдын боксын “Улаанбаатар-2024” Дэлхийн цомын тэмцээн есдүгээр сарын 23-26-нд болов.

“UG Arena” ордонд болсон тус тэмцээнд 12 орны нийт 170 ширэн бээлийтэн өрсөлдөхөд багийн нийлбэр дүнгээр Монгол Улсын баг (4 алт, 4 мөнгө, 10 хүрэл медаль) тэргүүлж, Япон (4 алт, 1 мөнгөн медаль), БНХАУ (2 алт, 3 мөнгөн медаль)-ын баг удаалав. Дэлхийн цомын тэмцээн Ази тивд анх удаа болсон нь онцгой содон үйл явдал юм.

Монголын шилдэг ширэн бээлийтнүүдээс ДАШТ-ийн мөнгөн медальт Л.Алтанцэцэг, ДАШТ-ий хүрэл медальт Б.Мишээлт, “Ханжоу-2022” Азийн наадмын хүрэл медальт, “Парис-2024” олимпын наадмын оролцогч О.Есүгэн нар өрсөлдсөн юм.

Энэ тэмцээнийг залгуулаад АНУ-д аравдугаар сарын 26-наас арваннэгдүгээр сарын 3-нд болох залуучуудын ДАШТ-д Монголын тамирчид өрсөлдөхөөр бэлтгэлээ базааж байна гэж Биеийн тамир, спортын улсын хорооноос мэдээллээ.

Дэлгэрэнгүй унших

Урлаг спорт

Л.Мөнхтөрийн "Нутгийн зам нуруутай" уран бүтээлийн тоглолт болно

Огноо:

19 өдрийн өмнө

2024/09/25

Монгол Улсын Соёлын гавьяат зүтгэлтэн, Хэлбичгийн ухааны доктор, МҮОНРТ-ийн ахмад сэтгүүлч, яруу найрагч Лханаагийн Мөнхтөрийн "Нутгийн зам нуруутай" уран бүтээлийн тоглолт 2024 оны 10 дугаар сарын 25-ны 19:00 цагт UBPALACE-ын Их танхимд болох гэж байна.

Тус тоглолтод Ардын жүжигчин Б.Жавзандулам, Ардын багш Ц.Өнөрбаян, Г. Равдан, С.Батсүх, А.Бүтэд, Төрийн шагналт, Соёлын гавьяат зүтгэлтэн Ц.Бавуудорж, Х.Чилаажав, МУСГЗ Дан.Нямаа, Д.Шагдарсүрэн, Гавьяат жүжигчин С.Жавхлан, Б.Ганчимэг, Б.Батбаатар Ш.Наранчимэг С.Баттулга, Р.Өнөржаргал, Соёлын тэргүүний ажилтан Х.Батмэнд, Н.Тамир, Х.Оюунцэцэг, Н.Баасандорж, Ё.Батмөнх, Ж.Болдбаатар, Ө.Цэрэнчунт, Б.Отгонтогтох, Э. Очирсайхан, Л.Чулуунбаатар, Н.Дашдэмбэрэл Д.Нямжав, Б.Ууганбаяр П.Мөнхзул, П.Жимсээ, М.Отгонгэрэл, ихэр дуучин Алтанхундага Алтанбагана, дуучин Э.Тэгш-Үнэн, бяцхан авьяастан А.Санчирмаа болон бусад уран бүтээлчид оролцоно.

Дэлгэрэнгүй унших

Урлаг спорт

Олимпын мөнгөн медальт, гавьяат тамирчин Б.Баасанхүүгийн нэрэмжит жүдо бөхийн өсвөр үеийн анхдугаар тэмцээн эхэллээ

Огноо:

24 өдрийн өмнө

2024/09/20

“Парис-2024” зуны олимпын наадмын мөнгөн медальт, “Абу-Даби-2024” дэлхийн аварга шалгаруулах тэмцээний алтан медальт, “Душанбе 2024” их дуулга тэмцээний аварга, Ази тивийн аварга, жүдо бөхиин Монгол Улсын 3 удаагиин аварга, ШШГЕГ-ын харьяа “Сүлд” спорт хороо, Үндэсний шигшээ багийн тамирчин, ОУХМ, Монгол Улсын гавьяат тамирчин, Хөвсгөл аймгийн Мөрөн сумын уугуул Бавуудоржийн Баасанхүүгийн нэрэмжит жүдо бөхийн өсвөр үеийн анхдугаар тэмцээн өнөөдөр Хөвсгөл аймгийн Мөрөн суманд эхэллээ.

Эх орныхоо нэрийг тив, дэлхийд цуурайтуулсан Хөвсгөл нутгийн унаган охин, Олимпын мөнгөн медальт, дэлхийд чансаагаараа нэгдүгээрт эрэмбэлэгдэж байгаа Монгол Улсын гавьяат тамирчин Б.Баасанхүүгийн нэрэмжит жүдо бөхийн өсвөр үеийн анхдугаар тэмцээнд нийт 400 гаруй өсвөрийн жүдочид оролцож байгаа юм байна.

Нээлтийн ажиллагаанд Олимпын мөнгөн медальт, Монгол Улсын гавьяат тамирчин Б.Баасанхүү, Улаанбаатар хот дахь Хөвсгөл аймгийн нутгийн зөвлөл, сумдын нутгийн зөвлөлийн удирдлагууд, урлаг, спортын төлөөлөл оролцсон байна.

Энэхүү арга хэмжээг Улаанбаатар хот дахь Хөвсгөл аймгийн нутгийн зөвлөл, сумдын нутгийн зөвлөлүүд санаачлан Хөвсгөл аймгийн Засаг даргын Тамгын газар, Биеийн тамир спортын газар, жүдо бөхийн холбоотой хамтран зохион байгуулж байна.