Бидэнтэй нэгдэх

Урлаг спорт

3х3 сагсан бөмбөгийн талбай байгуулах байршлуудыг танилцуулж байна

Огноо:

2 жил 8 сар.өмнө

,

“Улаанбаатар кап 2022” 3х3 сагсан бөмбөгийн тэмцээний шагнал гардуулах үеэр Нийслэлийн Засаг дарга бөгөөд Улаанбаатар хотын Захирагч Д.Сумъяабазар нийслэлийн есөн дүүргийн 118 байршилд 3х3 сагсан бөмбөгийн стандартын шаардлага хангасан талбай шинээр байгуулахаа мэдэгдсэн.

Тэгвэл уг ажлыг эхлүүлэхээр 3х3 сагсан бөмбөгийн талбайн байршлуудыг урьдчилсан байдлаар төлөвлөжээ. Тодруулбал, Хот байгуулалт, хөгжлийн газраас есөн дүүргийн 118 байршилд олон улсын стандартад нийцсэн 3х3 сагсан бөмбөгийн талбайг байгуулахаар санал оруулсан. Энэ жилдээ багтаан нийслэл, дүүргийн төсөв, төр, хувийн хэвшлийн хамтын ажиллагааны хүрээнд 59 байршил дахь 3х3 сагсан бөмбөгийн талбайг байгуулахаар төлөвлөн ажиллаж байна.

Мөн Нийслэлийн Засаг даргын захирамжаар иргэдийн эрүүл, аюулгүй орчинд амьдрах эрхийг хангах, газар ашиглалтыг сайжруулах, тохижилтын ажил гүйцэтгэх боломжийг бүрдүүлэхээр 188 байршилд 4860 гарааш буулгах ажил үргэлжилж байгаа. Тэгвэл гарааш чөлөөлсөн байршлуудад 3х3 сагсан бөмбөгийн талбай байгуулах саналыг дүүргүүдээс ирүүлжээ. Тухайлбал, Баянгол дүүрэг гарааш чөлөөлсөн дөрвөн байршилд, Баянзүрх дүүрэг дөрвөн байршилд, Чингэлтэй дүүрэг нэг байршилд тус бүр сагсан бөмбөгийн талбай байгуулах саналыг Хот байгуулалт, хөгжлийн газарт хүргүүлсэн байна. Саналын дагуу есөн байршлын Архитектур төлөвлөлтийн даалгаврыг баталжээ.

Архитектур төлөвлөлтийн даалгавар нь батлагдсан есөн байршлыг танилцуулж байна.

Уншсан:2555
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Урлаг спорт

Б.Баярцэцэгийн амьд тоглолт гуравдугаар сарын 7,8-ны өдрүүдэд АСА аренад болно

Огноо:

8 өдрийн өмнө

,

Олон улсын эмэгтэйчүүдийн баярт зориулсан дуучин Б.Баярцэцэгийн амьд тоглолт гуравдугаар сарын 7,8-ны өдрүүдэд АСА арена цэнгэлдэх хүрээлэнд болох гэж байна.
Энх орчлонг бүүвэйлэх яруу тунгалаг хоолой, эх үрсийн элбэрэл хайрын сэтгэлийг дуулна. Эрхэмсэг, элгэмсэг Монгол бүсгүйн энгүй ялдамхан аалийг дуулна. Таны "Дурласан нүд" "Хазаар цэцэгсийн дуулал"-ыг "Бүсгүйн заяа" хэрхэн дуулахыг үзэхнээ.
 
Тавтай морилно уу!
 
Дуучин Б.Баярцэцэгийн өөрийн дуртай хит дуунууд болон шинэ бүтээлүүдээр дүүрэн гайхамшигтай оройг танилцуулахаар таныг урьж байна. Хамгийн сүүлийн уран бүтээлүүдийг нь, түүнчлэн та бидний зүрх сэтгэлд хоногшсон дурсамжтай дуунуудыг амьд хөгжмийн хамт танд мэдрүүлэх болно.
Алгасахын аргагүй нэгэн гайхамшигтай үдшийн түүхийг танд бэлэглэхээр TJ international продюсер центр, D Light8 Shoppy хамтран ажиллаж байна. Бүсгүй та гэр бүлийн хамт энэ гайхалтай үдшийг өнгөрөөгөөрэй.
Дэлгэрэнгүй унших

Урлаг спорт

Дуучин Б.Баярцэцэгийн хит дуунуудаас бүрдсэн амьд хөгжмийн тоглолтын тов гарлаа

Огноо:

8 өдрийн өмнө

,

Дуучин Б.Баярцэцэгийн амьд хөгжмийн тоглолт гуравдугаар сарын 7-8-нд АСА аренад болох тов гарчээ. Цээл хоолойт дуучин энэ хоёр өдөр эх үрсийн элбэрэл хайрыг дуугаар илэрхийлнэ.

Дуучин Б.Баярцэцэг өөрийн хит дуунууд болон шинээр туурвисан уран бүтээлүүдээ амьд хөгжимтэйгөөр зөвхөн Танд зориулна. Нэгэн гайхамшигтай үдшийг Танд бэлэглэхээр TJ international продюсер центр, D Light, Shoppy хамтран ажиллаж байна. Эрхэмсэг бүсгүй Та гэр бүлийн хамт энэ гайхалтай тоглолтод заавал морилоорой.
Дэлгэрэнгүй унших

Урлаг спорт

Шатар сонирхогчдын УАШТ-ий аваргууд тодорлоо

Огноо:

12 өдрийн өмнө

,

Монгол Улсын ардчилсан Үндсэн хууль батлагдсаны 33 жилийн ойн хүрээнд зохион байгуулагдсан шатар сонирхогчдын улсын аварга шалгаруулах 13 дахь тэмцээн дүнгээ гаргалаа. Улсын Их Хурлын даргын ивээл дор жил бүрийн Үндсэн хуулийн өдрийг угтан явуулдаг тус тэмцээний анхан шатны буюу сум, дүүргийн аварга шалгаруулах тэмцээнүүд орон даяар өнгөрөгч 2024 оны 11 дүгээр сарын 23-24-нд, хагас шигшээ буюу аймаг, нийслэлийн аварга шалгаруулах тэмцээнүүд 12 дугаар сарын 14-15-нд болсон бөгөөд шигшээ тэмцээн Төрийн ордонд өнгөрсөн амралтын өдрүүдэд үргэлжиллээ.

Улсын аварга шалгаруулах тэмцээний шигшээ тоглолтод сум, дүүрэг, аймаг, нийслэлээс шалгарсан эрэгтэй 104, эмэгтэй 40 шатарчин оюун ухаанаа сорин өрсөлдөв. Швейцарь системээр найман өрөг тоглосон тус тэмцээнд эрэгтэйчүүдээс Нийслэлийн Хан-Уул дүүргээс шалгаран оролцсон, Завхан аймгийн уугуул С.Сод-Эрдэнэ 7.0 оноогоор тэргүүлж алтан медаль, Монголын хуульчдын холбооны шатарчин Д.Ганхөлөг мөн 7.0 оноогоор удаалж мөнгөн медаль, Нийслэлийн Баянзүрх дүүргээс шалгаран оролцсон Т.Эрдэнэчулуун 6.5 оноогоор гутгаар байрт шалгарч хүрэл медаль хүртсэн бол эмэгтэйчүүдээс Баянхонгор аймгийн уугуул, Нийслэлийн шатрын холбооны шатарчин И.Нангилмаа 6.5 оноогоор тэргүүлж алтан медаль, Завхан аймгийн шатарчин Э.Тунгалагсайхан, Баянхонгор аймгийн шатарчин Д.Азжаргал нар тус тус 6.0 оноогоор хоёр, гуравдугаар байрт орж мөнгө, хүрэл медаль хүртлээ. Шагналт 4-6 байрын шагналыг эрэгтэйчүүдээс Увс аймгийн шатарчин Ш.Мөнхбат, Дархан-уул аймгийн шатарчин Ц.Ням-Отгон, Дорноговь аймгийн шатарчин Г.Баттүвшин нар, эмэгтэйчүүдээс Хөвсгөл аймгийн шатарчин З.Мөрөн, Монголын шатрын холбооны шатарчин Ц.Болортуяа, Өмнөговь аймгийн шатарчин Д.Отгонбаяр нар тус тус хүртэв.
Улсын Их Хурлын Тамгын газар, Монголын шатрын холбоо хамтран зохион байгуулсан Улсын аварга шалгаруулах тэмцээний ялагчид болон ахмад тамирчид, 1700 хүртэл болон 1700-аас дээш чансаатай тамирчдын шагналыг Улсын Их Хурлын дэд дарга Б.Пүрэвдорж, Улсын Их Хурлын гишүүн Ж.Галбадрах, О.Амгаланбаатар, Улсын Их Хурлын Тамгын газрын дэд дарга Э.Лхагва, Монголын шатрын холбооны ерөнхий нарийн бичгийн дарга Б.Наранбаатар нар гардуулав. Монголын шатрын холбооноос олгодог “Оюунлаг түшээ” шагналыг Үндсэн хууль тогтоогчдын холбооны ахмад шатарчин Д.Чилхаажав, Т.Гантөмөр, Улсын Их Хурлын гишүүн Ж.Галбадрах, О.Амгаланбаатар нарт олголоо.
Шатар сонирхогчдын улсын аварга шалгаруулах 13 дахь тэмцээний эхний гурван байрт шалгарч, медаль хүртсэн тамирчид Монгол Улсын спортын дэд мастер цолны болзол хангаж буй бөгөөд ардчилсан Үндсэн хуулийн ойн өдөр үнэмлэх, тэмдгээ гардан авна хэмээн Улсын Их Хурлын Хэвлэл мэдээллийн газраас мэдээллээ.
Дэлгэрэнгүй унших

Санал болгох