Цаг үе
Сурагчид программ бичиж, робот зохион бүтээж өрсөлдлөө
Ерөнхий боловсролын сургуулийн сурагчдын шинийг санаачлах, бүтээлч сэтгэлгээг хөгжүүлж, академийн сургалтаар олж авсан мэдлэг, чадваруудыг дүгнэх зорилготой зохион байгуулдаг робот, электроникийн “ЗБА Робокон 2023” тэмцээний шилдгүүд тодорлоо. Оюунлаг хөдөлмөрч бүтээлч уриатай “Зохион Бүтээгчдийн Академи” нь хүүхэд залуучуудад тав дахь жилдээ техник сэтгэлгээ, зохион бүтээх чадварын сургалтаа явуулж 700 орчим сурагч шавь нарыг бэлтгэн гаргаж үндэсний болон олон улсын тэмцээнд амжилттай оролцож байна. Тэмцээний сэдэв болон дүрэм нь жил бүр өөр байдаг бөгөөд сурагчдын мэдлэг чадвар, авхаалж самбааг сорихоос гадна шинийг санаачлах, бүтээлч сэтгэлгээг нээн илрүүлэхэд чиглэгдсэн байдаг. Тус тэмцээнээр сурагчид өрсөлдөх роботоо угсарч түүнийгээ программчлан удирдаж оролцдог байна.
Энэ жилийн тэмцээний сэдэв нь “Робот хөлбөмбөг”. Сурагчид өгөгдсөн хугацаанд “Элекрон гэрлэн самбар” угсрах, “Робот хөлбөмбөг” сэдвийн хүрээнд роботуудыг зохион бүтээж, програмчлан тоглож өрсөлдсөн юм.
“Робот хөлбөмбөг” тэмцээнд хоёр сургуулийн 15 багийн 75 сурагч оролцож, ялагчид тодорсон байна.
- Ерөнхий боловсролын Солонго SF сургуулийн 11 А ангийн сурагч Б.Тэмүүлэнгийн удирдсан тус сургуулийн 3А ангийн сурагч Г.Гэгээн ахлагчтай “DIAMOND” баг АЛТАН медаль
- Ерөнхий боловсролын Солонго SF сургуулийн 11 А ангийн сурагч Ж.Хонгорзул, Б.Тэргэл нарын удирдсан тус сургуулийн 4Б ангийн сурагч Э.Ивээл ахлагчтай “EAGLES” баг МӨНГӨН медаль
- Ерөнхий боловсролын Арвис сургуулийн 12 А ангийн сурагч Саруулын удирдсан тус сургуулийн 4А ангийн сурагч А.Тэмүүлэн ахлагчтай “FOUX ”баг ХҮРЭЛ медаль 5-6 ангийн сурагчийн ангилалд
- Ерөнхий боловсролын Солонго SF сургуулийн 11 А ангийн сурагч М.Амин-Эрдэнэ, Г.Тэргэл нарын удирдсан тус сургуулийн 5А ангийн сурагч Э.Жаргал ахлагчтай “POWER” баг АЛТАН медаль
- Ерөнхий боловсролын Арвис сургуулийн 12 А ангийн сурагч Бат-Оршихын удирдсан тус сургуулийн 5А ангийн сурагч Ц.Отохүү ахлагчтай “БҮХНИЙГ ЧАДАГЧ ”баг МӨНГӨН медаль
- Зохион бүтээгч академийн суралцагч Ц.Цогт-Эрдэнэ ахлагчтай “ЯЛАЛТ”баг ХҮРЭЛ медалиудын ийн эзэд боллоо Тэмцээний нийлбэр дүнгээр Ерөнхий боловсролын Солонго SF сургууль тэргүүн байр эзлэн Зохион Бүтээгчдийн Академийн нэрэмжит цомыг гардан авлаа.
Цаг үе
"Орчлон" хорооллын зүүн талын хашааг буулгаж, явган хүний зам барилаа
СХД-ийн 27 дугаар хороо, "Орчлон" хорооллын зүүн талын хашааг буулгаж, явган хүний зам барьж ашиглалтад орууллаа.
Дээрх байршилд өмнө нь орон сууцны барилга барих зориулалтаар гурван иргэн, аж ахуйн нэгж байгууллага газар эзэмшиж байсан. Газрыг хоёр жил ба түүнээс дээш хугацаагаар зориулалтын дагуу ашиглаагүй, явган хүний орц гарц хааж хашаалсан байсан юм.
Иймээс зөрчлийг арилгаж, дүүргийн Захиалагчийн алба ОНӨААТҮГ-аас өнгөрсөн амралтын өдрүүдэд явган хүний зам барьж ашиглалтад орууллаа.
Цаг үе
Бусдын эрүүл мэндэд хохирол учруулсан 192 хэргийг шүүхээр шийдвэрлүүлжээ
Тээврийн прокурорын газраас 2024 онд зам тээврийн ослын 224 эрүүгийн хэрэгт Эрүүл мэндийн даатгалын тухай хуулийн 12 дугаар зүйлийн 12.1 дэх хэсгийн 12.1.1-т заасны дагуу эрүүл мэндийн даатгалын сангаас гаргасан 412 сая төгрөгийн төлбөрийг гэм буруутай этгээдээр нөхөн төлүүлэхээр шүүхээр шийдвэрлүүлсэн байна.
2025 оны 5 дугаар сарын 01-ний өдрийн байдлаар Эрүүгийн хуулийн 27.10 дугаар зүйлд заасан “Тээврийн хэрэгслийн хөдөлгөөний аюулгүй байдал, ашиглалтын журам зөрчиж” бусдын эрүүл мэндэд хохирол учруулсан 192 хэргийг шүүхээр шийдвэрлүүлсэн. Үүнээс 135 хэрэгт Эрүүл мэндийн даатгалын санд учирсан 230.3 сая төгрөгийн хохирлыг гэм буруутай этгээдээр нөхөн төлүүлэхээр шийдвэрлүүлсэн.
Шүүхээр шийдвэрлэсэн хэргээс “Тээврийн хэрэгслийн хөдөлгөөний аюулгүй байдал, ашиглалтын журам зөрчих” гэмт хэргийн улмаас хүний эрүүл мэндэд хүндэвтэр хохирол учруулсан 97, хүнд хохирол учруулсан 35, хүний амь нас хохироосон 3 хэрэг байна.
Тээврийн прокурорын газраас 2025 оны эхний 5 сарын байдлаар гэмт хэргийн улмаас Эрүүл мэндийн даатгалын санд учирсан хохирлыг гэм буруутай этгээдээс гаргуулж, эрүүгийн хэрэгт хамтатган шийдвэрлүүлсэн хэргийн тоог өмнөх оны мөн үетэй харьцуулахад 31.8 хувиар, шийдвэрлүүлсэн хохирлын хэмжээ 26.7 хувиар тус тус өссөн дүнтэй байна.
Цаг үе
АТГ: Гэмт хэргийн шинжтэй 106 гомдол, мэдээллийг шалгав
Авлигатай тэмцэх газрын Мөрдөн шалгах хэлтэс 2025 оны 5 дугаар сарын 12-18-ны өдрүүдэд гэмт хэргийн шинжтэй 106 гомдол, мэдээллийг шалгав. Үүнээс 17 гомдол, мэдээлэлд хэрэг бүртгэлтийн хэрэг нээх, 14 гомдол, мэдээлэлд хэрэг бүртгэлтийн хэрэг нээхээс татгалзах, 2 гомдол мэдээллийг харьяаллын дагуу шилжүүлэх саналтайгаар прокурорт шилжүүлсэн бөгөөд одоогоор 73 гомдол, мэдээллийг хянан шалгаж байна.
Түүнчлэн эрүүгийн 903 хэрэгт мөрдөн байцаалтын ажиллагаа явуулснаас өнгөрсөн долоо хоногт 11 хэргийг шүүхэд шилжүүлэх, 17 хэргийг хаах, 3 хэргийг харьяаллын дагуу шилжүүлэх саналтай прокурорт хүргүүлж, 4 хэргийг нэгтгэн шалгаж байна. Мөрдөн шалгах ажиллагаанд одоогоор 868 хэрэг шалгагдаж байна.
Гэмт хэргийн шалтгаан, нөхцөлийг арилгуулахаар мөрдөгчийн 6 мэдэгдэл хүргүүлэв гэж АТГ-аас мэдээллээ.
-
Цаг үе2020/12/30
Өнөөдөр гахай, туулай жилтнээ аливаа үйлийг хийхэд эерэг сайн
-
Цаг үе2022/09/30
Хөшгийн хөндийн бүтээн байгуулалтын үндэсний хорооны анхдугаар хуралдаан боллоо
-
Улстөр нийгэм2025/04/01
198 сая төгрөгийн хөрөнгө, орлогыг их хэмжээний өөрчлөлт гэж үзнэ
-
Урлаг спорт2021/03/01
Монгол Улсын гавьяат тамирчин Б.Сэр-Од олимпын наадамд оролцох эрхээ авлаа