Шударга мэдээ
Эрүүл мэндийн салбар дахь хүний нөөцийн тулгамдсан асуудлыг яаралтай хэлэлцэж, шийдвэрлэлээ
Коронавирусний халдварын хариу арга хэмжээний хүний нөөцийн хомсдолыг арилгах, хүний нөөцийг нэмэгдүүлэх талаар ЭМЯ, ЭМХТ, НЭМГ, ХХЭМБНХолбоо хамтран шуурхай хурал зохион байгууллаа.
Хурлаар Эрүүл мэндийн салбарт тулгамдаж буй хүний нөөцийн асуудлыг хөндөн ярилцсан юм. Тэр дундаа хүний нөөцийн дутагдалд орсон өрхийн эрүүл мэндийн төвд шаардлагатай хүний нөөцийг хэрхэн шийдвэрлэх асуудлыг хэлэлцэж, зарим шийдвэрийг гаргажээ.
Тухайлбал, Эрүүл мэндийн сайдын тушаалаар өрхийн эмнэлэг болон тусгай дугаарын 119 лавлах утсан дээр дайчлагдан ажиллаж байгаа резидент эмч нарын ирцийг сайжруулж, ажиллах үүрэг даалгаварыг өгөхөөр боллоо.
Мөн "Улаан загалмай" нийгэмлэгийн бэлтгэгдсэн сайн дурын ажилтнуудыг өрхөд дайчлагдахыг эрчимжүүлэн ажиллана. Цаг алдахгүй сайн дурын ажилтнуудыг дайчилж, өрхийн эмнэлгийн эмч нарын эмчилгээ, хяналтад зарцуулах цагийг нэмэхээр болжээ.
Энэ хичээлийн жилд эрчимт эмчилгээ судлал, яаралтай тусламж судлал, дотрын анагаах судлал, эмнэлзүйн эмгэг судлал чиглэлээр үндсэн мэргэжлийн сургалтыг 2021.8.15-нд төгссөн эмч нарыг ажлын байранд зуучлах ажлыг эрчимжүүлнэ. Ингэснээр зарим эмнэлэгт шаардлагатай хүний нөөцийг бүрдүүлэх юм.
2021 оны 10 сард эхлэх төрөлжсөн мэргэжлийн эмчийн сургалтад хамрагдагчдаас НЭМГ харьяа эмнэлгүүдэд түр хугацаагаар дүйцүүлэн дайчлах ажлыг мөн зохион байгуулах шийдэлд хүрчээ.
Хан-Уул дүүргийн ЭМТ- ийн харьяа 145 орт эмнэлэг болон МҮИС-ийн харьяа 300 орт ТАБ дээр хувийн хэвшлийн сайн дурын эмч, эмнэлгийн ажилчдыг дайчлан ажиллуулах, цалинг үндсэн байгууллага, илүү цагийг ЭМЯ-наас олгох асуудлыг шийдвэрлүүлэхээр боллоо.
Өмнөх хугацаанд ковидын хариу арга хэмжээнд оролцсон, дайчлагдан ажилласан хувийн хэвшлийн эмнэлгийн эмч эмнэлгийн ажилчдад урамшууллыг нөхөн олгох асуудлыг шийдвэрлүүлэх ажлыг холбогдох хүмүүст үүрэг болгов.
УОК-ын ээлжит хурлаас өгсөн үүрэг даалгаврын дагуу Анагаахын ухааны боловсрол олгох их дээд сургуулиудын оюутнуудыг ковидын хариу арга хэмжээнд ажиллуулах талаар БСШУЯ-тай зөвшилцөж ажиллуулах ажлыг зохион байгуулна.
2021 оны есдүгээр сарын 12-ны байдлаар НЭМГ харьяа өрхийн эрүүл мэндийн 156 төвд 225, тусгай дугаарын 119 утасны оператораар 21 резидент эмч дайчлагдан ажиллаж байна.
Мөн Монголын өрхийн эмч нарын холбооны бэлдсэн 200 гаруй сайн дурын идэвхтэн нийслэлийн ӨЭМТ-үүдэд хариу арга хэмжээнд дэмжин ажиллаж байна.
Шударга мэдээ
Манай улс НҮБ-ын хүний эрхийн зөвлөлд дөрөв дэх тайлангаа хүргүүлнэ
“MONGOLIA-EU HUMEN RIGHTS DIALOGUE” буюу “Монгол Улс-Европын Холбооны хүний эрхийн яриа хэлэлцээ” сэдэвт уулзалт Гадаад харилцааны яаманд боллоо.
Европын холбоо болон манай улсын хүний эрхийг хамгаалах чиглэлээр үйл ажиллагаа явуулдаг төрийн байгууллагууд, ХЗДХЯ, ГБХНХЯ-аас хэлэлцүүлэгт оролцож, Хүний эрхийн олон улсын байгууллагаас манай улсад өгсөн зөвлөмжийг хэрэгжүүлэхэд хэрхэн анхаарч ажиллаж байгаа талаар мэдээлэл өглөө.
Өнгөрсөн жил НҮБ-ын Хүний эрхийн зөвлөлд манай улс Хүний эрхийн төлөв байдлын дунд хугацааны тайланг хүргүүлсэн.
2025 онд Хүний эрхийн төлөв байдлын дөрөв дэх тайлангаа хүргүүлэхээр ажиллаж байна.
Манай улс Хүний эрхийн олон улсын байгууллагаас өгсөн зөвлөмжийг хэрэгжүүлэх үйл ажиллагааны төлөвлөгөөг баталж, төлөвлөгөөний хэрэгжилтэд хяналт тавих орон тооны зөвлөлийг байгуулсан.
Энэ ажлын хүрээнд ядуурлыг бууруулах чиглэлээр хэрэгжүүлж буй бодлого, шийдвэрийн талаар ГБХНХЯ-наас танилцууллаа.
Монгол Улсын Засгийн газрын 2024-2028 оны үйл ажиллагааны хөтөлбөрт хүний хөгжлийн үзүүлэлтийг 10 байр ахиулж, ядуурлын түвшнийг 2 дахин бууруулах зорилтыг тусгасан.Мөн “Алсын хараа 2050” Монгол Улсын урт хугацааны хөгжлийн бодлогод 2030 он гэхэд ядуурлын түвшнийг 15 хувь, 2050 онд 5 хувь болгон бууруулах зорилт тавьсан. Эдгээр зорилтыг хэрэгжүүлэхээр ажиллаж байна.
Шударга мэдээ
Б.Жавхлан: Гадаад валютын улсын нөөц таван тэрбум ам.долларт хүрлээ
Уул уурхайн бүтээгдэхүүний экспортыг нэмэгдүүлэх, гадаад валютын улсын нөөцийн нөхцөл байдлын талаар Сангийн сайд Б.Жавхлан Засгийн газрын хуралдаанд мэдээлэл хийлээ.
“Монгол Улсын Ерөнхий сайдын захирамжаар экспорт нэмэгдүүлж, тулгамдаж буй асуудлыг шуурхай шийдвэрлэх үүрэг бүхий Ажлын хэсэг уул уурхайн экспортод тулгараад буй асуудлыг цогц байдлаар шийдвэрлэж, экспортыг эрчимжүүлж, гадаад валютын орох урсгалыг нэмэгдүүлэх арга хэмжээ авч ажиллаж байна. Тус Ажлын хэсгийн дарга, Сангийн сайд Б.Жавхлан,
Нэгдүгээр улирлын нийт дүнгээр нүүрс 17.4 сая.тонн, төмрийн хүдэр 1.8 сая тонн экспортолсон нь өмнөх оны мөн үетэй ижил түвшинд байгаа бол зэсийн баяжмалын экспорт 456 мянган тоннд хүрч 24 хувиар өссөн дүнтэй байна.
Ажлын хэсэг банкны салбарын төлөөлөлтэй уулзаж, гадаад валютын улсын нөөцийг хамгаалах чиглэлд хамтран ажиллах талаар хэлэлцэж, Санхүүгийн тогтвортой байдлын зөвлөлийн хурлаар холбогдох асуудлыг шийдвэрлэж, бодлогын зөвлөмж гарган ажиллаж байна.
Энэ сарын 1-ний байдлаар гадаад валютын улсын нөөц өмнөх долоо хоногоос 305 сая ам.доллароор нэмэгдэж, таван тэрбум ам.долларт хүрлээ гэж мэдээллээ.
Шударга мэдээ
Хөдөлмөрийн хөлсний доод хэмжээ 792 мянган төгрөг болж нэмэгдлээ
Хөдөлмөр, нийгмийн түншлэлийн гурван талт үндэсний хорооны 2024 оны аравдугаар сарын 7-ны өдрийн 03 дугаар тогтоолоор Хөдөлмөрийн хөлсний доод хэмжээг 20 хувиар нэмж тогтоосон. Ингэснээр өнөөдрөөс эхлэн хөдөлмөрийн хөлсний доод хэмжээ 792 мянга болж нэмэгдэж байгаа.
Хөдөлмөрийн хөлсний доод хэмжээг 1995 оноос хойш жил бүр нэмэгдүүлж ирсэн. Тухайлбал, 1995 онд хөдөлмөрийн хөлсний доод хэмжээ 9600 төгрөг байсан. Үүнээс хойш жил бүр тогтмол өссөнөөр 2011 онд 140 мянган төгрөг болгож байсан. Түүнээс хойш хөдөлмөрийн хөлсний доод хэмжээг найман удаа нэмэгдсэн.
Хөдөлмөрийн хөлсний доод хэмжээг шинэчлэн тогтоосноор 792 мянган төгрөгөөс 106320 төгрөгийн НДШ төлнө. Өөрөөр хэлбэл, хөдөлмөрийн хөлсний доод хэмжээ 20 хувиар нэмэгдэж үүнийг дагаад нийгмийн даатгалын шимтгэл нэмэгдэнэ.
