Урлаг спорт
“Улаанбаатар 2023” Зүүн Азийн наадам зохион байгуулагчид зочдоо угтан авсаар байна
Монгол Улсыг зорин ирж буй тэр дундаа “Улаанбаатар 2023” Зүүн Азийн залуучуудын наадамд оролцох гадны тамирчид, дасгалжуулагч, хүндэт зочид болон бусад албаны хүмүүс Монгол улсад ирсээр байгаа юм. Маргааш буюу наймдугаар сарын 14-ны өдөр Япон, БНСУ зэрэг дөрвөн улс орны Үндэсний Олимпын Хороодын 170 гаруй тамирчид, дасгалжуулагч болон албаны хүмүүсийн хамтаар Монгол Улсын нийслэл Улаанбаатар хотноо газардана.
Япон улсаас тус улсын Олимпын хорооны ерөнхийлөгч Ямашита Ясүхиро болон наадамд оролцох жүдо бөхийн 4 тамирчны хамтаар ирэх бол Хятадын Тайваны Үндэсний Олимпын хорооноос ширээний теннис, бадминтон, хөлбөмбөг болон Э-Спорт, жүдо гээд нийт спортын 5 төрөлд өрсөлдөх тамирчид ирнэ. Түүнчлэн тус багийн хамтаар ЗАОХ-ны байнгын хорооны 2 гишүүн манай улсад ирэх юм.
ЗАОХ-ны байнгын хорооны дарга Чан Жулиан Хятадын Хонконгын тамирчдын хамтаар ирхээр зэхэж байна. Маргааш орой ноён Чан Жулианы хамтаар волейбол, хөлбөмбөгийн тамирчид ирэх бол тэдэнтэй хамт нэг онгоцоор Бүгд Найрамдах Солонгос улсын олимпын хороог төлөөлж бадминтон, ширээний теннис болон жүдо бөхийн тамирчид ЗАОХ-ны гишүүн Парк Ингүгийн хамтаар ирэхээр зэхэж байна.
Сонирхуулж хэлэхэд “Улаанбаатар 2023” Зүүн Азийн наадам оролцох баг тамирчид болон хүндэт зочдыг угтах ажилд ЗБХ-ны ажилтнуудаас гадна 120 орчим сайн дурын ажилтнууд Чингис хаан олон улсын нисэх онгоцны буудалд ажиллаж байна.
Энэ дашрамд “Улаанбаатар 2023” Зүүн Азийн залуучуудын наадмыг зохион байгуулахад хамтран ажиллаж буй ивээн тэтгэгчид болон хамтран ажиллаж буй байгууллага, хувь хүмүүс, сайн дурын ажилтнууддаа талархал илэрхийлье гэж “Улаанбаатар 2023” Зүүн Азийн залуучуудын наадмыг Зохион байгуулах хорооноос мэдээллээ.
Урлаг спорт
Ерөнхий сайдын нэрэмжит шагналыг дэлхийн дуурийн шилдэг дуучин, Ардын жүжигчин Э.Амартүвшинд олгоно
Засгийн газрын ээлжит хуралдаан 2026 оны хоёрдугаар сарын 04-ний өдөр хуралдав. Засгийн газрын 2022 оны 260 дугаар тогтоолоор “Монгол Улсыг олон улсад сурталчлан таниулахад онцгой амжилт гаргасан иргэн, баг, хамтлагт Монгол Улсын Ерөнхий сайдын нэрэмжит мөнгөн шагнал олгох журам”-ыг баталсан.
Ерөнхий сайдын 2026 оны нэрэмжит шагналыг дэлхийн дуурийн шилдэг дуучин, Монгол Улсын Ардын жүжигчин Энхбатын Амартүвшинд олгохоор шийдвэрлэлээ.
Шагналд олгох 200 сая төгрөгийг Засгийн газрын нөөц сангаас гаргана.
Энхбатын Амартүвшин нь 2009-2016 онд Дуурь бүжгийн эрдмийн театрт дуучнаар ажиллаж, одоо Бүгд Найрамдах Итали Улсад ажиллаж, уран бүтээлээ туурвиж байна.
Э.Амартүвшин дэлхийн сонгодог урлагийн дээжис болох “Кармен”, “Травиата”, “Риголетто”, “Евгений Онегин”, “Тоска”, “Айда”, “Троваторе” зэрэг алдартай дуурийн гол болон туслах дүрд амжилттай тоглож, дуурийн урлагийн гайхамшгийг Итали, Франц, Герман, Австри, Испани, Орос, Япон, Сингапур, Англи, Бельги, Америк, Унгар, Болгар, Хятад зэрэг дэлхийн олон орны томоохон театрын тайзнаас үзэгч олонд дуурсган толилуулж буй дэлхийн шилдэг баритон юм.
Урлаг спорт
Орбитод орчин үеийн цогц усан спорт сургалтын төв ашиглалтад орлоо
СХД-ийн 34 дүгээр хороо, Орбитод 25 метрийн урттай таван зам бүхий усан бассейн, боулинг, фитнесийн тоног төхөөрөмжтэй орчин үеийн цогц усан спорт сургалтын төв ашиглалтад орлоо.
Тус бүтээн байгуулалттай СХД-ээс сонгогдсон УИХ-ын гишүүд болон нийслэлийн Засаг дарга бөгөөд Улаанбаатар хотын Захирагч Х.Нямбаатар танилцлаа.
СХД-ийн 34 дүгээр хороонд улсын төсвийн хөрөнгө оруулалтаар баригдсан усан спорт сургалтын төвийн гүйцэтгэгчээр “Ванхүү” ХХК ажиллажээ. Тус төв нь усан бассейн, фитнес, боулинг, болон 62 автомашины зогсоолтой. Усан бассейн нь 220 хүний суудалтай, таван замтай бөгөөд бүх насныхан хичээллэх боломжтой юм.
Нийслэлийн Засаг дарга бөгөөд Улаанбаатар хотын Захирагч Х.Нямбаатар “Усан спорт сургалтын төвийн ажил 2022 онд анх эхэлж байсан. Сонгинохайрхан дүүрэг хоёр усан бассейнтай болж байна. СХД хүн амын тоогоор Баянзүрх дүүргийн дараа ордог. Дүүргийн засаг даргын санаачилгаар СХД-ийн хүүхдүүд хоёр бассейн дээрээ ээлжилж ирж, усан спортоор хичээллэх юм. Бид хүүхдүүдийн ирээдүй, эрүүл мэнд, ур чадварт анхаарах ёстой” гэв.
Урлаг спорт
Азийн олимпын зөвлөлийн ерөнхий Ассамблей Ташкент хотноо боллоо
Узбекистан улсын Ташкент хотноо АОЗ-ийн 46 дахь удаагийн Ерөнхий ассамблей амжилттай зохион байгуулагдаж гишүүн 45 улсын ҮОХ-д, ОУОХ, ҮОХХ, Олон улсын спорт холбоодын төлөөлөл болон ирэх наадмуудыг Зохион байгуулах хорооны төлөөлөгчид оролцсон байна.
Ерөнхий ассамблейн үеэр АОЗ-ийн үйл ажиллагааны тайлан мэдээлэл, салбар хороодын тайлан, АОЗ-ийн дүрмийн өөрчлөлт, Харбин 2025 Азийн өвлийн наадмын тайлан, Санъя 2026, Айчи Нагояа 2026 Азийн наадам, Рияд 2026 Азийн танхимын болон тулааны спортын наадмын товч мэдээллүүд явагдлаа.
Хурлын үйл ажиллагаанд Укбекистан улсын Ерөнхийлөгч Эрхэмсэг ноён Шавкат Мирзиёев оролцож, нийт оролцогчдод талархал илэрхийлэв. Ерөнхий ассамблейд ОУОХ-ны гишүүн, АОЗ-ийн Удирдах зөвлөлийн гишүүн, МҮОХ-ны Ерөнхийлөгч Б.Баттүшиг, МҮОХ-ны Тэргүүн дэд Ерөнхийлөгч Ч.Наранбаатар, ГХА-ны дарга Б. Баяртуяа нарын төлөөлөгчид оролцов.
Мөн АОЗ-ийн Ерөнхийлөгчөөр ажиллаж байсан Ража Рандхир Сингх нь эрүүл мэндийн шалтгааны улмаас цаашид албан үүргээ гүйцэтгэх боломжгүй нөхцөл байдал үүссэн асуудлыг шийдвэрлэх сонгууль өнөөдөр болж Катар улсын ҮОХ-ны Ерөнхийлөгч Шейх Жоаан Бин Хамад Аль Тани сонгогдлоо. Тэрээр АОЗ-ийн 22 дахь Ерөнхийлөгчөөр 2028 оныг дуустал ажиллах бөгөөд энэ удаагийн сонгуульд өрсөлдөгчгүй ганцаар нэр дэвшсэн юм.
-
Үзэл бодол2019/10/21
Хэвлэлийн эрх чөлөөний тухай хууль хүн бүхэнд хамаатай
-
Цаг үе2025/05/14
Согтуурсан, мансуурсан үедээ тээврийн хэрэгсэл жолоодсон 144 хүнд холбогдох хэрг...
-
Улстөр нийгэм2025/07/04
Ой, хээрийн гал түймэртэй тэмцэх, шуурхай хариу арга хэмжээ авахад шаардлагатай ...
-
Улстөр нийгэм2023/01/26
Шадар сайд С.Амарсайхан ИБУИНХУ-ын Шадар сайд бөгөөд Хууль зүйн сайд Доминик Раа...